Նորություններ
- Հիմնարկ Մարդիկ֊ում արդեն հնարավոր է գրանցել վարձատրության ևս մեկ տեսակ՝ Լրավճար։
![Լրավճար_Հիմնարկ](https://himnark.am/wp-content/uploads/2021/06/Լրավճար_Հիմնարկ.png)
- Մշակվել է հարգելի չվճարվող բացակայություն գրանցելու հնարավորություն։
![Չվճարվող day-off_Հիմնարկ](https://himnark.am/wp-content/uploads/2021/06/Չվճարվող-day-off_Հիմնարկ-1024x495.png)
- Արդեն հնարավոր է տեսակավորել և տեսնել հաստատված և չհաստատված ամսական հաշվետվությունները:
![Հաշվետվություններ_հաստատված](https://himnark.am/wp-content/uploads/2021/06/Հաշվետվություններ_հաստատված-1024x520.png)
- Չօգտագործված արձակուրդային օրերի վերաբերյալ հաշվետվությունում այսուհետ կցուցադրվի Ընդամենը տողը։
![Ամփոփագրեր_Հիմնարկ](https://himnark.am/wp-content/uploads/2021/06/Չօգտագործված-արձակուրդային-օրեր.png)
- Ամփոփագրեր բաժնում այլևս կարող եք ըստ աճի կամ նվազման տեսակավորել բոլոր տվյալները։
![Ամփոփագրեր_Հիմնարկ](https://himnark.am/wp-content/uploads/2021/06/Ամփոփագրերի-դասակարգում_Հիմնարկ-1-1024x559.png)
- Համակարգում իրականացվել է 2021թ հունվարի 1-ից ուժի մեջ մտած դրոշմանիշային վճարների փոփոխությունը:
- Աշխատակիցներ բաժնում ստորաբաժանման անվանման դիմաց արդեն ցուցադրվում է տվյալ ստորաբաժանման մեջ ընդգրկված աշխատակիցների քանակը․
![Ստորաբաժանումներ](https://himnark.am/wp-content/uploads/2021/06/Ստորաբաժանումներ.png)
- Երբ աշխատակցի համար գրանցվում է մայրության արձակուրդ և նա գտնվում է մինչև 3 տարեկան երեխայի խնամքի արձակուրդում, մայրության արձակուրդի գումարը հաշվարկվում է աշխատանքային պայմանագրում նշված ժամանակավարձի հիման վրա։
- Աշխատանքային պայմաններում Փորձաշրջանը նշանակելու դեպքում փորձաշրջանի ավարտի ամսաթիվն ինքնաշխատ լրացվում է 3 ամիս տևողությամբ։
![Փորձաշրջան_Հիմնարկ](https://himnark.am/wp-content/uploads/2021/06/Փորձաշրջան-1024x530.png)
- Աշխատանքային պայմանագրում արդեն հնարավոր է ավտոմատացված կերպով ցուցադրել ծանր և վնասակար տեսակի աշխատանքի մասին նշում, եթե այսպիսի պայմաններ են նշվում աշխատանքային պայմաններ բաժնում։
- Ամենամյա արձակուրդի հրամանի ամսաթիվն այսուհետ լռելյայն կլինի հաշվարկի ամսաթիվը։
- Արցախում «Տեղեկատվական տեխնոլոգիաների ոլորտի պետական աջակցության մասին» օրենքով նախատեսվող հարկային արտոնությունից օգտվելու դեպքում եկամտային հարկի տոկոսադրույքը կկազմի 5%։
- Արցախի հարկային գոտում գործող ընկերությունների եկամտային հարկի տոկոսադրույքը 2021 թվականի հունվարի մեկից հաշվարկվում է 15% տոկոսադրույքով։
- Հաշվարկային թերթիկների xml նիշքն այլև ունի նկարագրություն՝ անվանում։ Օրինակ՝ Աշխատավարձի հաշվարկ, հունվար 2021։
- Եկամտային հարկի ու այլ վճարների գումարները այսուհետ կհաշվարկվեն կլորացված՝ առանց լումաների։ Կլորացում հնարավոր է կիրառել նաև հաշվարկային թերթիկում արտացոլվող թվի նկատմամբ։
- Մնացորդներ բաժնում այլևս հնարավոր է ընտրել բոլոր ամիսները կոճակի մեկ հպումով։
![](https://himnark.am/wp-content/uploads/2021/06/Ընտրել-բոլորը-Մնացորդներում.png)
- Աշխատակիցների անձնական տվյալների ընտանեկան դրություն բաժնում ավելացել է Ամուսնալուծված կարգավիճակը։
![Ամուսնալուծված_Հիմնարկ](https://himnark.am/wp-content/uploads/2021/06/Ամուսնալուծված_Հիմնարկ-1024x521.png)
- Կարգավորումների Պաշտոնատար անձինք բաժնում ավելացել է Լիազորված անձ տեսակը։
![Լիազորված անձ_Հիմնարկ](https://himnark.am/wp-content/uploads/2021/06/Լիազորված-անձ.png)
Շտկումներ
- Լուծվել է խնդիրը, երբ երեխայի խնամքի արձակուրդի առաջին ամսվա սոցիալական վճարը հաշվարկվում է գործատուի հաշվին։
- Լուծվել է Եկամտային հարկի և սոցիալական վճարի հաշվետվության մեջ Փաստացի աշխատած ժամերի մեջ գրանցված արտաժամյա աշխատանքի ժամերի չներառվելու խնդիրը։
- Լուծվել է խնդիրը, երբ տվյալ ամսվա ընթացքում վերջնահաշվարկ ունենալու և հաշվարկները ջնջելու-վերահաշվարկ իրականացնելու դեպքում վերջնահաշվարկն այլևս չէր գեներացվում։
- Լուծվել է խնդիրը, երբ մասամբ վճարված վճարման փաստաթուղթը ջնջելուց և նորից գեներացնելուց հետո արդեն վճարված գումարը բացակայում է փաստաթղթից։
- Լուծվել է խնդիրը, երբ աշխատակցի մոտ չվճարվող/մինչև 3 տարեկան խնամքի արձակուրդի գրանցված լինելու դեպքում Ամփոփագրեր բաժնում ամենամյա արձակուրդի մնացորդային օրերը սխալ էին հաշվարկվում։
Խորհուրդներ, պատմություններ և փորձագիտական կարծիքներ։ Ստացե՛ք այս ամենը նաև էլ․ փոստով։ Հետևեք մեզ սոցիալական ցանցերում և բաժանորդագրվեք մեր նորություններին։
Խորհուրդներ, պատմություններ և փորձագիտական կարծիքներ։ Ստացե՛ք այս ամենը նաև էլ․ փոստով
![](https://himnark.am/wp-content/uploads/2021/04/email-newsletter.png)