Աշխատակիցների տվյալների կառավարում

• Աշխատակիցներ բաժնում ստորաբաժանման անվանման դիմաց արդեն ցուցադրվում է տվյալ ստորաբաժանման մեջ ընդգրկված աշխատակիցների քանակը։
• Աշխատակիցների անձնական տվյալների ընտանեկան դրություն բաժնում ավելացել է Ամուսնալուծված կարգավիճակը։
• Մնացորդներ բաժնում այլևս հնարավոր է ընտրել բոլոր ամիսները կոճակի մեկ հպումով։

Աշխատանքային պայմանագրերի կառավարում

• Աշխատանքային պայմաններում Փորձաշրջանը նշանակելու դեպքում փորձաշրջանի ավարտի ամսաթիվն ինքնաշխատ լրացվում է 3 ամիս տևողությամբ։
• Աշխատանքային պայմանագրում արդեն հնարավոր է ավտոմատացված կերպով ցուցադրել ծանր և վնասակար տեսակի աշխատանքի մասին նշում, եթե այսպիսի պայմաններ են նշվում աշխատանքային պայմաններ բաժնում։
• Լուծվել է 6-օրյա աշխատանքային ռեժիմի դեպքում օրերի տեղափոխության ժամանակ աշխատանքային օրերի ճիշտ հաշվարկի խնդիրը։

Աշխատավարձի հաշվարկի և վճարումների կառավարում

• Հիմնարկ Մարդիկ֊ում արդեն հնարավոր է գրանցել վարձատրության ևս մեկ տեսակ՝ Լրավճար։
• Համակարգում վճարումներ բաժնում հնարավոր է կատարել վճարումների տվյալների զտում։
  • Զտել կոճակին սեղմելով կարող ենք ընտրել այն հատկանիշները, որոնցով հնարավոր է զտել վճարումները՝ անուն, ազգանուն, ցանկալի ժամանակահատվածը՝ սկիզբ և ավարտ, կարգավիճակը՝ սևագիր, ընթացքում, հաստատված, մերժված։
  • Վճարումներում կարտացոլվեն ընտրված հատկանիշներով զտված տվյալները, որոնք հնարավոր է արտահանել MS Excel ձևաչափի նիշքով:
• Հաշվարկային թերթիկների xml նիշքն այլև ունի նկարագրություն՝ անվանում։ Օրինակ՝ Աշխատավարձի հաշվարկ, հունվար 2021։
• Լուծվել է խնդիրը, երբ տվյալ ամսվա ընթացքում վերջնահաշվարկ ունենալու և հաշվարկները ջնջելու-վերահաշվարկ իրականացնելու դեպքում վերջնահաշվարկն այլևս չէր գեներացվում։
• Լուծվել է խնդիրը, երբ մասամբ վճարված վճարման փաստաթուղթը ջնջելուց և նորից գեներացնելուց հետո արդեն վճարված գումարը բացակայում է փաստաթղթից։

Արձակուրդների և բացակայությունների կառավարում

• Մշակվել է հարգելի չվճարվող բացակայություն գրանցելու հնարավորություն։
• Հիմնարկ Մարդիկ֊ում արդեն հնարավոր է գրանցել արձակուրդի ևս մեկ տեսակ՝ Հայրութան արձակուրդ։
• Երբ աշխատակցի համար գրանցվում է մայրության արձակուրդ և նա գտնվում է մինչև 3 տարեկան երեխայի խնամքի արձակուրդում, մայրության արձակուրդի գումարը հաշվարկվում է աշխատանքային պայմանագրում նշված ժամանակավարձի հիման վրա։
• Ամենամյա արձակուրդի հրամանի ամսաթիվն այսուհետ լռելյայն կլինի հաշվարկի ամսաթիվը։
• Չօգտագործված արձակուրդային օրերի վերաբերյալ հաշվետվությունում այսուհետ կցուցադրվի Ընդամենը տողը։
• Ամփոփագրեր բաժնում այլևս կարող եք ըստ աճի կամ նվազման տեսակավորել բոլոր տվյալները՝ արձակուրդային օրերի քանակը, հասանելի արձակուրդային գումարը։
• Լուծվել է խնդիրը, երբ երեխայի խնամքի արձակուրդի առաջին ամսվա սոցիալական վճարը հաշվարկվում է գործատուի հաշվին։
• Լուծվել է խնդիրը, երբ աշխատակցի մոտ չվճարվող/մինչև 3 տարեկան խնամքի արձակուրդի գրանցված լինելու դեպքում Ամփոփագրեր բաժնում ամենամյա արձակուրդի մնացորդային օրերը սխալ էին հաշվարկվում։
• Լուծվել է խնդիրը, երբ չվճարվող հարգելի բացակայության առկայության դեպքում պահումները սխալ էին հաշվարկվում Վճարուման թերթիկում։

Եկամտային հարկի և սոցիալական վճարների կառավարում

• Համակարգում իրականացվել է 2021թ հունվարի 1-ից ուժի մեջ մտած դրոշմանիշային վճարների փոփոխությունը:
• 2022 թվականի հունվարի 1-ից սոցիալական վճարը համակարգում կհաշվարկվի 4,5% դրույքաչափով։
• 2022 թվականի հունվարի 1-ից եկամտային հարկը համակարգում կհաշվարկվի 21% դրույքաչափով:
• Արցախում «Տեղեկատվական տեխնոլոգիաների ոլորտի պետական աջակցության մասին» օրենքով նախատեսվող հարկային արտոնությունից օգտվելու դեպքում եկամտային հարկի տոկոսադրույքը կկազմի 5%։
• Արցախի հարկային գոտում գործող ընկերությունների եկամտային հարկի տոկոսադրույքը 2021 թվականի հունվարի մեկից հաշվարկվում է 15% տոկոսադրույքով։
• Եկամտային հարկի ու այլ վճարների գումարները այսուհետ կհաշվարկվեն կլորացված՝ առանց լումաների։ Կլորացում հնարավոր է կիրառել նաև հաշվարկային թերթիկում արտացոլվող թվի նկատմամբ։
• Արդեն հնարավոր է տեսակավորել և տեսնել Եկամտային հարկի և սոցիալական վճարի ամփոփ հաշվետվության հաստատված և չհաստատված ամսական հաշվետվությունները:
• Լուծվել է Եկամտային հարկի և սոցիալական վճարի հաշվետվության մեջ Փաստացի աշխատած ժամերի մեջ գրանցված արտաժամյա աշխատանքի ժամերի չներառվելու խնդիրը։

Այլ գործառութներ

• Կարգավորումների Պաշտոնատար անձինք բաժնում ավելացել է Լիազորված անձ տեսակը։
• Լուծվել է գործուղման հրամանների գեներացման խնդիրը։ Հրամանները գեներացնելիս արժեքները չէին արտահայտվում փաստաթղթում։

Ամփոփելով, թույլ տվեք մաղթել, որ գալիք 2022-ը լինի ձեռքբերումների և մեծ նվաճումների, ստեղծագործական նախաձեռնությունների տարի։